რუსეთისთვის დაწესებული სანქციების მე-7 პაკეტს ნორვეგიაც შეუერთდა

ევროკავშირის მიერ რუსეთისთვის დაწესებული სანქციების მეშვიდე პაკეტს ნორვეგიაც შეუერთდა, - ამის შესახებ ქვეყნის საგარეო საქმეთა სამინისტრო იტყობინება. გადაწყვეტილება დღეს ამოქმედდა.

სანქციების მე-7 პაკეტი ძალაში 21 ივლისს შევიდა და ის რუსული ოქროს შესყიდვას კრძალავს. იმის გათვალისწინებით, რომ ნორვეგია ევროკავშირის წევრი არ არის, სანქციების საკითხი ქვეყნის პარლამენტმა დამოუკიდებლად განიხილა და დაამტკიცა.