რომელი ილონ მასკი უფრო მოგწონთ, ის, ვინც მხარს უჭერს უკრაინას თუ რუსეთს? - ვოლოდიმირ ზელენსკი

უკრაინის პრეზიდენტი ვოლოდიმირ ზელენსკი „ტვიტერში“ გამოკითხვას აწარმოებს, რომელი ილონ მასკი უფრო მოსწონს მოსახლეობას, ის, ვინც მხარს უჭერს უკრაინას თუ რუსეთს?

Which @elonmusk do you like more?

— Володимир Зеленський (@ZelenskyyUa) October 3, 2022

უკრაინის პრეზიდენტმა ეს გამოკითხვა ილონ მასკის გამოკითხვის საპასუხოდ გამოაქვეყნა, რომელშიც მასკმა გამოთქვა საკუთარი პოზიცია რუსეთის მიერ ანექსირებული ყირიმის საკუთრების საკითხის გადაწყვეტის შესახებ.

„მშვიდობა უკრაინასა და რუსეთს შორის:

- განმეორებითი არჩევნები ანექსირებულ რეგიონებში გაეროს ზედამხედველობით. რუსეთი გადის, თუკი ხალხის ნება იქნება.

- ყირიმი ფორმალურად რუსეთის შემადგენლობაშია, როგორც ეს იყო 1783 წლიდან (ხრუშჩოვის შეცდომამდე).

„ ყირიმის წყალმომარაგება უზრუნველყოფილია“ , - წერს მასკი. 

მასკს უკრაინის პრეზიდენტის აპარატის უფროსის მრჩეველმაც უპასუხა. მიხაილო პოდოლიაკმა მასკს სხვა სახის გამოკითხვა შესთავაზა. კერძოდ:

„უკრაინა ათავისუფლებს თავის ტერიტორიებს ანექსირებული ყირიმის ჩათვლით.

- რუსეთი განიცდის დემილიტარიზაციას და სავალდებულო დენუკლეარიზაციას და ვეღარ ემუქრება სხვებს.

ომის დამნაშავეები საერთაშორისო ტრიბუნალს ექვემდებარებიან“ , - წერს პოდოლიაკი „ტვიტერზე“. 

Are you trying to legitimize pseudo-referendums that took place at gunpoint under conditions of persecution, mass executions and torture? Bad path.

— Михайло Подоляк (@Podolyak_M) October 3, 2022