Reuters: აშშ უკრაინას სადაზვერვო მონაცემების გაცვლისა და იარაღის მიწოდების შეჩერებით ემუქრება, რათა კიევი ცეცხლის შეწყვეტის შესახებ ტრამპის გეგმას დათანხმდეს

 ვაშინგტონი უკრაინაზე დიდ წნეხს ახდენს, რათა კიევი რუსეთთან სამშვიდობო შეთანხმების დადებაზე დაიყოლიოს, რომელიც აშშ-ის შუამავლობით არის მომზადებული. ინფორმაციას Reuters-ი საკუთარ წყაროებზე დაყრდნობით ავრცელებს.

სააგენტოს ცნობით, ვაშინგტონი კიევს ემუქრება, რომ სადაზვერვო მონაცემების გაცვლასა და იარაღის მიწოდებას შეაჩერებს, თუ უკრაინა ხსენებულ გეგმას არ დათანხმდება.

როგორც Reuters ერთ-ერთი წყარო უყვება, აშშ-ს სურს, რომ უკრაინამ ჩარჩო ხელშეკრულებას მომდევნო ხუთშაბათისთვის ხელი მოაწეროს.