ქალმა სასამართლოს მიმართა, რომ მისთვის თაღლითურ ქოლ-ცენტრში მუშაობა შრომით სტაჟში ჩაეთვალათ

რუსეთში მცხოვრებმა ქალმა სასამართლოს მეშვეობით თაღლითურ ქოლ-ცენტრში მუშაობის შრომით სტაჟში ჩათვლა სცადა. ქალს მოთხოვნის დაკმაყოფილებაზე უარი ეთქვა, - იუწყება რეგიონის სასამართლოების პრესსამსახური.

მოსარჩელემ სურგუტის საქალაქო სასამართლოს მიმართა თხოვნით, ინდივიდუალურ მეწარმესთან მისი ურთიერთობა შრომით ურთიერთობად ეცნოთ და შესაბამისი ჩანაწერი შეეტანათ შრომის წიგნაკში.

განმცხადებლის თქმით, 2021 წლის ოქტომბრიდან 2022 წლის თებერვლამდე ის მოსკოვში „საკონტაქტო ცენტრის თანამშრომლად“ მუშაობდა და თვეში 30 ათას რუბლს იღებდა. მის მოვალეობაში, ვითომდა, ავტოწილების გაყიდვის საკითხებზე კლიენტებთან კომუნიკაცია შედიოდა, თუმცა ოფიციალურად არ გაუფორმებიათ.

მოგვიანებით დამსაქმებელი სამართალდამცველებმა დააკავეს. სისხლის სამართლის საქმის მასალების შესწავლისას გაირკვა, რომ ქალისა და მეწარმის ქმედებები შეფასდა როგორც თაღლითობა.

სასამართლომ აღნიშნა, რომ მოქალაქეების მოტყუებაზე მიმართული საქმიანობა ვერ ჩაითვლება შრომით საქმიანობად. ამდენად, დანაშაულის თანამონაწილეებს შორის ურთიერთობა ვერ დარეგულირდება შრომის კანონმდებლობის ნორმებით. საბოლოოდ, ქალს სარჩელის დაკმაყოფილებაზე უარი ეთქვა და ეს პერიოდი შრომით სტაჟში არ ჩაეთვალა.