პუტინმა კადიროვს ზელენსკის მოკვლა უბრძანა - WSJ

The Wall Street Journal-ი უკრაინის დაზვერვის ინფორმაციაზე დაყრდნობით იუწყება, რომ უკრაინაში რუსეთის სრულმასშტაბიანი შეჭრის დასაწყისში, ჩეჩნეთის ლიდერ რამზან კადიროვს რუსეთის პრეზიდენტმა, ვლადიმერ პუტინმა უკრაინის პრეზიდენტ ვოლოდიმირ ზელენსკის მოკვლა დაავალა. 

ამასთან, როგორც გამოცემა წერს, პუტინმა კადიროვს „სტრატეგიის შემუშავებისთვის“ დაურეკა, რათა ე.წ. სპეცოპერაციის დაწყებისას ჩეჩენი მებრძოლები უკრაინაში შეჭრილიყვნენ. აღნიშნული სრულმასშტაბიანი შეჭრის დაწყებამდე სამი კვირით ადრე მოხდა. 

WSJ-ის ცნობით, კადიროვის „ბოევიკების“ წარუმატებლობის შემდეგ, პუტინმა მას ჩეჩნეთში ფარული მობილიზაციის დაწყება დაავალა.