პუტინმა დიდი სტრატეგიული შეცდომა დაუშვა, როდესაც უკრაინაში შეიჭრა - რუსეთმა უკრაინაში თავის მიზნებს ვერ მიაღწია - სტოლტენბერგი

ნატოს გენერალურმა მდივანმა იენს სტოლტენბერგმა განაცხადა, რომ რუსეთის პრეზიდენტმა ვლადიმირ პუტინმა დიდი სტრატეგიული შეცდომა დაუშვა, როდესაც უკრაინაში შეიჭრა.

„მის გრძნობებზე სპეკულირებას არ დავიწყებ, მაგრამ მან დიდი სტრატეგიული შეცდომა დაუშვა. უკრაინაში შეჭრის ერთ-ერთი გაცხადებული მიზანი რუსეთის საზღვრებთან ნაკლები ნატო იყო. ახლა კი ის ნატოს უფრო მეტ გაფართოებას იღებს. მე არ ვიწინასწარმეტყველებ ომის შედეგს, ამას ვერავინ გააკეთებს, მაგრამ რუსეთმა უკრაინაში თავის მიზნებს ვერ მიაღწია“, - აღნიშნა მან.