პორტუგალიაში რომან აბრამოვიჩის 10 მილიონი ევროს ღირებულების სახლი დააყადაღეს

პორტუგალიის ალგარვეს რეგიონში რუსი ოლიგარქის რომან აბრამოვიჩის 10 მილიონი ევროს ღირებულების სახლი დააყადაღეს, ამის შესახებ გამოცემა Público წერს. პორტუგალიის საგარეო საქმეთა სამინისტროს მოთხოვნით, ქონების რეგისტრაცია 25 მარტიდან გაყინულია.

გამოცემის თანახმად, უკრაინაში რუსეთის სრულმასშტაბიანი შეჭრამდე ორი კვირით ადრე, შპს Millhouse Views, რომელიც აბრამოვიჩის საინვესტიციო ჰოლდინგს ეკუთვნის, ცდილობდა ამ ქონების გაყიდვას, მაგრამ პორტუგალიურმა სახელმწიფო საბანკო კორპორაციამ Caixa Geral de Depósitos-მა ამის შესახებ პოლიციას შეატყობინა.

შეგახსენებთ, რომ უკრაინაში ომის დაწყების შემდეგ რომან აბრამოვიჩი ევროკავშირისა და დიდი ბრიტანეთის სანქციების ქვეშ მოექცა.