რა შემთხვევაში შეიძლება პენტაგონმა უკრაინისთვის იარაღის მიწოდება შეაჩეროს

პენტაგონი

„თუ სენატი არ დაამტკიცებს კიევისთვის დახმარების პროექტს, პენტაგონმა შესაძლოა შეაჩეროს  უკრაინისთვის იარაღის მიწოდება“, - ამის შესახებ აშშ-ის სახელმწიფო დეპარტამენტის სპიკერმა ჯონ კირბიმ ბრიფინგზე განაცხადა.

კირბის თქმით, აშშ-ს სენატმა 19 მაისამდე უნდა დაამტკიცოს კიდევ 40 მილიარდი დოლარი. ამ შემთხვევაში სამხედრო დახმარება შეერთებული შტატებიდან შეუფერხებლად გავა.

„დამატებითი უფლებამოსილების გარეშე, ხელიდან ვუშვებთ  მიწოდების განხორციელების შესაძლებლობას. ეს გავლენას მოახდენს ჩვენს უნარზე უწყვეტი მიწოდების უზრუნველსაყოფად.

გვსურს, გვქონდეს დამატებითი უფლებამოსილებები დამტკიცებული ამ თვის მესამე კვირას, რათა უკრაინისთვის მიწოდების შეუფერხებელი ნაკადი განვაგრძოთ, ამიტომ ცხადია, ჩვენ სენატს მოვუწოდებთ, იმოქმედოს რაც შეიძლება სწრაფად, რათა მაისის ბოლომდე არ მოგვიწიოს ლოდინი“, - განაცხადა კირბიმ.