პირველი შობა დედოფლის გარეშე - ჰარიმ და მეგანმა საშობაოდ მეფე ჩარლზის მიწვევაზე უარი თქვეს

პრინცი ჰარი შობას სამეფო ოჯახის წევრებთან ერთად არ გაატარებს. დედოფლის გარდაცვალების შემდეგ, სასექსის ჰერცოგმა მეფე ჩარლზის მიწვევა უარყო. ამის შესახებ უცხოური გამოცემა ექსკლუზიურად წერს. 

ჰარი და მისი მეუღლე მეგანი გასულ თვეში გლოვის პერიოდში ბრიტანეთში იმყოფებოდნენ. ამის მიუხედავად, წყაროებმა განაცხადეს, რომ მათ „არ აქვთ გეგმები“ კვლავ შეუერთდნენ ოჯახს, მათ შორის უილიამსა და მის მეუღლეს ქეითს.

დედოფლის გარდაცვალების შემდეგ, ჰარის მამასთან ურთიერთობა ჰქონდა, ჰარი მამამისს ესაუბრა მისი შვილებისთვის ტიტულების მინიჭების შესახებ.

ცნობისთვის, ჩარლზ III თა­ნახ­მაა, 3 წლის არ­ჩის და 1 წლის ლი­ლი­ბეთს პრინ­ცის და პრინ­ცე­სას წო­დე­ბა მისცეს, მაგ­რამ მან უარი თქვა მათ­თვის „მისი უდი­დე­ბუ­ლე­სო­ბის" ტი­ტუ­ლის მი­ცე­მა­ზე. ეს ტი­ტუ­ლი არ­ჩის და ლი­ლი­ბე­თის მშობ­ლებ­საც ჩა­მორ­თმე­უ­ლი აქვთ მას შემ­დეგ, რაც მათ 2020 წელს სა­მე­ფო ოჯა­ხი და დიდი ბრი­ტა­ნე­თი და­ტო­ვეს.

ჩარლზ III -ის გადაწყვეტილების გამო, პრინ­ცი ჰა­რი­ და მე­გან მარ­კლი  ძალიან გაბრაზებულები არიან.

დედოფლის გარდაცვალებამ, სამეფო ოჯახის წევრების ტიტულებში ცვლილებები გამოიწვია. სასექსის ჰერცოგისა და ჰერცოგინიას - ჰარისა და მეგან მარკლის შვილი, არჩი მაუნტბატენ-უინძორი პრინცი გახდა, მისი უმცროსი და, ლილიბეტი კი - პრინცესა.