პარიზში ჩავედი ერთი მიზნით, მოვიძიო რეალური, პრაქტიკული გზები რუსეთ-უკრაინის ომის დასასრულებლად – მარკო რუბიო

აშშ-ის სახელმწიფო მდივანმა, მარკო რუბიომ აღნიშნა, რომ პარიზში ჩავიდა კონკრეტული მიზნით – იპოვოს პრაქტიკული გადაწყვეტილებები რუსეთ-უკრაინის ომის დასასრულებლად.

„პარიზში ჩავედი ერთი მიზნით: მოვიძიო რეალური, პრაქტიკული გზები რუსეთ-უკრაინის ომის დასასრულებლად. ახლო აღმოსავლეთში სპეციალურ წარმომადგენელ უიტკოფთან და უკრაინაში აშშ-ის წარმომადგენელ კიტ კელოგთან ერთად, ჩვენი მთავარი ამოცანაა, განვახორციელოთ შეერთებული შტატების პრეზიდენტის მიზანი – დავასრულოთ ეს ომი და შევაჩეროთ არასაჭირო სისხლის ღვრა“,- წერს რუბიო სოციალურ ქსელში.