ნეთანიაჰუ დონალდ ტრამპთან, ვლადიმერ პუტინთან და კირ სტარმერთან ირანზე მიტანილი იერიშის განხილვას გეგმავს

ისრაელის პრემიერ-მინისტრი ბენიამინ ნეთანიაჰუ დღეს აშშ-სა და რუსეთის პრეზიდენტებთან, დონალდ ტრამპთან და ვლადიმერ პუტინთან, ასევე დიდი ბრიტანეთის პრემიერთან, კირ სტარმერთან საუბარს გეგმავს. განსახილველი თემა ირანზე მიტანილი იერიში იქნება. ინფორმაციას პრემიერის ადმინისტრაცია ავრცელებს.

ცოტა ხნის წინ გავრცელდა ცნობა, რომ ბენიამინ ნეთანიაჰუ უკვე ესაუბრა გერმანიის კანცლერ ფრიდრიხ მერცსა და ინდოეთის პრემიერ-მინისტრ ნარენდრა მოდის.

„ლიდერები გაგებით მოეკიდნენ ისრაელის თავდაცვის საჭიროებას ირანის დესტრუქციული საფრთხის წინააღმდეგ. პრემიერ-მინისტრმა განაცხადა, რომ მათთან კონტაქტზე მომდევნო დღეებშიც დარჩება“, -ნათქვამია ნეთანიაჰუს ადმინისტრაციის მიერ გავრცელებულ განცხადებაში.