ნეპალში არსებობს მეორე წყალმოვარდნის საფრთხეც: დაკარგულთა შორის რამდენიმე ბავშვია

ნეპალის ჩრდილოეთში, რასუვას (Rasuwa) რაიონში, ნეპალ-ჩინეთის/ტიბეტის საზღვართან, უზარმაზარმა წყალმოვარდნამ და ტალახ-ქვიანმა მასამ ხეობებს გადაუარა. განსაკუთრებით დაზიანდა Bhote Koshi-ის მდინარის მიმდებარე ტერიტორია. წაიღო სახლები, გზები, ხიდები და ჰიდროენერგეტიკული ინფრასტრუქტურა.

ყველაზე მძიმე ამბავი კი დაკარგულ ადამიანებს ეხება.

ნეპალის ტურიზმის საბჭოს წინასწარი მონაცემებით, 384 მოგზაური დაკარგულად ითვლება — მათგან 291 უცხოელია და 93 ნეპალის მოქალაქე. უცხოელებს შორის არიან ინდოეთის, აშშ-ის, ბრიტანეთის, მალაიზიის, ავსტრალიის, ნიდერლანდების, სამხრეთ აფრიკისა და სხვა ქვეყნების მოქალაქეები.

მათ შორის, მაგალითად, 12 ბრიტანელი ტურისტია, მათ შორის 13 წლის გოგონა; ასევე ცნობილია ორი ირლანდიელის დაკარგვის შესახებ.

დაღუპულთა რიცხვი ჯერ არ არის საბოლოო. 

დღეს დღის განმავლობაში სხვადასხვა დროის მონაცემებში იყო 8, 22, 31, 72 და ბოლოს 95 დაღუპული. Reuters-ის უახლესი განახლებით, ნეპალის პოლიციამ 95 დაღუპულის შესახებ განაცხადა. AP-ის ბოლო ცნობაში კი ჯერ 72 დაღუპული იყო მითითებული. ეს განსხვავება იმიტომაა, რომ სამაშველო ოპერაცია ჯერ მიმდინარეობს და ცხედრების აღმოჩენისა და იდენტიფიცირების მონაცემები მუდმივად ახლდება.

პირველადი ვერსიით, საქმე შეიძლება ყოფილიყო მიწისძვრის შედეგად გამოწვეულ ყინულ-ქვის ზვავთან, რომელმაც მდინარის კალაპოტში უზარმაზარი მასა ჩააგდო და შემდეგ უეცარი წყლისა და ტალახის მასა წამოვიდა. Reuters წერს, რომ სატელიტური მონაცემები და საწყისი შეფასებები 4.4 მაგნიტუდის მიწისძვრას შესაძლო გამომწვევ მიზეზად განიხილავს. თუმცა ეს ჯერ საბოლოოდ დადგენილი მიზეზი არ არის.

ანუ ეს უბრალოდ „ძლიერი წვიმისგან ადიდებული მდინარე“ არ ყოფილა. ძალიან სწრაფი, კატასტროფული მოვლენა იყო.

ნეპალის პოლიცია და არმია მუშაობენ დაკარგულთა საძიებლად, თუმცა სიტუაციას ძალიან ართულებს: წაღებული გზები და ხიდები; მდინარის ძალიან მაღალი დონე; ტალახისა და ქვების უზარმაზარი მასა; ზოგიერთ ადგილას ვერტმფრენებისთვის დაშვების შეუძლებლობა. 
ჩინეთმაც დაიწყო სამაშველო სამუშაოები ტიბეტის მხარეს — Reuters-ის ცნობით, 600-ზე მეტი მაშველი იქნა მობილიზებული. ინდეთიც გაუწევს  დახმარებას, ხოლო სამხრეთ კორეა სწრაფი რეაგირების ჯგუფის გაგზავნას გეგმავს.

და კიდევ ერთი საშიში რამ: არსებობს მეორე წყალმოვარდნის საფრთხეც: მდინარის ზემოთ ჩამოშლილმა მასამ შეიძლება წყლის ბუნებრივი დაგუბება შექმნა, რომლის გარღვევამ ახალი ძლიერი ტალღა გამოიწვიოს. ამიტომ მდინარის ქვედა დინების მოსახლეობას სიფრთხილისკენ მოუწოდებენ და ზოგიერთი დაბლობი ტერიტორია იცლება.