NATO-მ არქტიკაში სამხედრო მისია დაიწყო რეგიონში ჩრდილოატლანტიკური ძალების წარმომადგენლობის გაძლიერებისთვის

NATO-მ არქტიკაში სამხედრო მისია დაიწყო რეგიონში ჩრდილოატლანტიკური ძალების წარმომადგენლობის გაძლიერებისთვის, მას შემდეგ, რაც აშშ-ს პრეზიდენტმა, დონალდ ტრამპმა განაცხადა, რომ არქტიკა და კერძოდ, გრენლანდია დაუცველია.

„მისიის მიზანია, ხაზი გაუსვას, ალიანსის ვალდებულებას, დაიცვას მისი წევრები და ხელი შეუწყოს სტაბილურობას სტრატეგიულად მნიშვნელოვან და ეკოლოგიურად რთულ რეგიონში“, – განაცხადა NATO-ს მოკავშირეთა ძალების უმაღლესმა მთავარსარდალმა ალექსუს გრინკევიჩმა.