მსახიობ მიშელ ტრახტენბერგის გარდაცვალების მიზეზი ცნობილია

ნიუ-იორკის მედექსპერტიზის ბიუროს დასკვნის თანახმად 39 წლის ამერიკელი მსახიობის მიშელ ტრახტენბერგის გარდაცვალების მიზეზი დიაბეტის გართულება გახდა. ინფორმაციას BBC ავრცელებს.

გარდაცვლილი მსახიობი საკუთარმა დედამ 26 თებერვალს მისსავე ბინაში იპოვა. ტოქსიკოლოგიური ტესტების საშულებით მსახიობის სიკვდილის მიზეზი დადგინდა. სიკვდილამდე ცოტა ხნით ადრე, მსახიობს ღვიძლის გადანერგვის ოპერაცია ჩაუტარდა.

მსახიობი ცნობილი იყო ისეთი ფილმებით, როგორებიცაა: EuroTrip, Buffy the Vampire Slayer და Gossip Girl.

ცნობისთვის, 26 თებერვალს მსახიობი მიშელ ტრახტენბერგი გარდაიცვალა. იგი ცნობილი იყო სატელევიზიო და კინო როლების ფართო სპექტრით, მათ შორის "ვამპირის მკვლელი ბაფი", ''ევრო ტური'' და "ჭორიკანა". მსახიობი 39 წლის ასაკში გარდაიცვალა.