მოსკოვში, იაპონიის საელჩოსთან ყოველდღე უზარმაზარი რიგი დგება, რაც მომიჯისა და მონჩიჩის უკავშირდება

მოსკოვში, იაპონიის საელჩოს შესასვლელთან უზარმაზარი რიგებია. ამომავალი მზის ქვეყანაში ვიზის მიღების მსურველები 5-7 საათს ატარებენ ლოდინში. იაპონიაში ტურიზმის მოთხოვნამ წელს სექტემბერში რეკორდი მოხსნა და წლის დასაწყისიდან გაორმაგდა. ამ ინფორმაციას SHOT ავრცელებს.

იაპონიის ეროვნული ტურიზმის ორგანიზაციამ ჟურნალისტებს განუცხადა, რომ წელს ქვეყანას უკვე 84,700 რუსი ტურისტი ეწვია. წელს შემოდგომაზე ახალი ბუმი რამდენიმე მიზეზის გამო წარმოიშვა: ბევრს სურს მომიჯის, იგივე  ნეკერჩხლის ყვავილობის სეზონის დაჭერა, რომელიც სექტემბრის შუა რიცხვებში იწყება. ამავდროულად, მათ სურთ ახალი ლაბუბუს მსგავსი სათამაშოს - მონჩიჩის - შეძენა.

გარდა ამისა, იაპონიაში სამოგზაურო პაკეტების ფასები შემცირდა: თუ გასულ წელს ტურისტები ტოკიოში 8-დღიან მოგზაურობაში 250 000 რუბლს იხდიდნენ, ავიაბილეთის ჩათვლით, წელს მსგავსი ტურის შეძენა ერთ ადამიანზე 180 000 რუბლად არის შესაძლებელი.