მეცნიერებმა 2 000 წლის წინ გარდაცვლილი ორსული მუმიის სახე აღადგინეს - როგორ გამოიყურებოდა ის

მეცნიერებმა აღადგინეს მსოფლიოში პირველი ორსული, ძველი ეგვიპტური მუმიის სახე მისი გარდაცვალებიდან 2000 წელზე მეტი ხნის შემდეგ. ფოტოები უცხოურ გამოცემაში ვრცელდება. 

გამოცემის ცნობით, ითვლება, რომ მუმია, რომელიც ცნობილია როგორც „საიდუმლო ქალბატონი“, გარდაიცვალა ორსულობის 28-ე კვირაში, დაახლოებით 20-დან 30 წლამდე. ასევე ითვლება, რომ ეს არის პირველი ბალზამირებული ადამიანის ნიმუში, რომელიც შეიცავს დაუბადებელ ბავშვს.

ექსპერტებმა გამოიყენეს მისი თავის ქალა და სხეულის სხვა ნაწილები, რათა დაენახათ, როგორ გამოიყურებოდა იგი მაშინ, როცა ცოცხალი იყო მთელი იმ წლების წინ, ჩვენს წელთაღრიცხვამდე პირველ საუკუნეში.

„ჩვენი ძვლები და თავის ქალა, კერძოდ, უამრავ ინფორმაციას გვაწვდის ინდივიდის სახის შესახებ. მიუხედავად იმისა, რომ ეს არ შეიძლება ჩაითვალოს ზუსტ პორტრეტად, თავის ქალა, ისევე როგორც მრავალი ანატომიური ნაწილი, უნიკალურია და აჩვენებს ფორმებსა და პროპორციებს, რომლებიც გამოჩნდება საბოლოო სახეზე“, - თქვა შანტალ მილანიმ, იტალიელმა სასამართლო ანთროპოლოგმა და ვარშავის მუმიის პროექტის წევრმა.

მუმია 1826 წელს აღმოაჩინეს და ეგვიპტიდან ვარშავაში, პოლონეთში გადაიტანეს.

სახის რეკონსტრუქციის ნახვა 3 ნოემბრიდან, კატოვიცის სილეზიის მუზეუმში, გამოფენაზეა შესაძლებელი.