მედია: ტრამპზე თავდასხმის მცდელობისთვის დაკავებული უკრაინის აქტიური მხარდამჭერი რაიან უესლი რუთია

CBS News-ის ცნობით, დონალდ ტრამპზე თავდასხმის მცდელობისთვის დაკავებული რაიან უესლი რუთია.

მედიაში ვრცელდება ინფორმაციით, რომ რუთი უკრაინის მხარდამჭერი აქტივისტია, რომელიც რუსეთის წინააღმდეგ მებრძოლების აგიტაციას ატარებდა. 2023 წელს მან New York Times-ს განუცხადა, რომ 2022 წლის თებერვალში უკრაინაში ჩავიდა და ცდილობდა ავღანელი ჯარისკაცების რეკრუტირებას, რომლებიც „თალიბანს“ გაექცნენ.

არსებული ინფორმაციით, რუთს კრიმინალური ისტორია აქვს.

ფლორიდის პროკურორი ტრამპზე თავდასხმის მცდელობისთვის დაკავებულის ვინაობას არ ამხელს, თუმცა ამბობს, რომ დაკავებულმა დუმილის უფლება გამოიყენა.

სამართალდამცველებმა დონალდ ტრამპზე თავდასხმის კიდევ ერთი მცდელობა აღკვეთეს. ინციდენტი ფლორიდაში, ექსპრეზიდენტის გოლფ-კლუბის ტერიტორიაზე მოხდა. პოტენციური მკვლელი, რომელიც ბუჩქებში იყო ჩასაფრებული, საიდუმლო სამსახურის აგენტებმა შენიშნეს და ცეცხლი გაუხსნეს, რის შემდეგაც ის გაიქცა, თუმცა პოლიციამ მალევე დააკავა.

ბუჩქებში სამართალდამცველებმა კალაშნიკოვის ავტომატური იარაღი, ორი ზურგჩანთა და ვიდეოკამერა იპოვეს.