მარგო რობის თქმით, ბავშვობაში ბარბებით თამაში არ მოსწონდა

ბარბის პრემიერამდე ცოტა ხნით ადრე მარგო რობიმ People-თან ინტერვიუში განაცხადა, რომ ბავშვობაში ბარბებით თამაში სულაც არ უყვარდა. უფრო მეტიც, მსახიობი ქუჩაში სხვა ტიპის თამაშებს ამჯობინებდა და ბარბი მისი ერთ-ერთი საყვარელი სათამაშო სულაც არ იყო.

„ვერც კი ვიხსენებ, საკუთარი ბარბი საერთოდ თუ მქონდა. მახსოვს, რომ ჩემს დას ჰქონდა ბარბები და ჩემს ბიძაშვილსაც. მათთან ერთად ვთამაშობდი კიდეც, თუმცა ბავშვობაში ბარბების მოყვარული გოგო საერთოდ არ ვყოფილვარ", — ამბობს მარგო რობი.

მსახიობის თქმით, როცა პატარა იყო, ქუჩაში მეგობრებთან ერთად თამაშს ამჯობინებდა, ვიდრე სახლში ბარბებთან ყოფნას. თოჯინები კი იმიტომ არ მოსწონდა, რომ მისი აზრით, "ყველა ბარბი უცნაური იყო".

რაც შეეხება ფილმ ბარბის, მარგო რობის აზრით, კომედიის საშუალებით ბარბის სამყაროს ეკრანზე გადატანა გაბედული წამოწყებაა და უხარია, რომ ეს როლი მან შეასრულა. "არასდროს დამავიწყდება, როცა გრეტა გერვიგთან ერთად სცენარის კითხვა დავიწყე და პირველივე გვერდზე ხუმრობა შემხვდა, გავიფიქრე, რომ ამის გადაღების საშუალებას არასდროს მოგვცემდნენ, თუმცა მოგვცეს", — ამბობს მარგო რობი.

ასევე ნახეთ

⇒ პლეხანოველი მარინას უკანასკნელი ინტერვიუ „პრაიმტაიმის“ არქივიდან - მოპარული შვილი და გარდაცვალებამდე რამდენიმე დღით ადრე გამხელილი ოცნებები

⇒ საყურადღებო ინფორმაცია! ვის (არ) შეუძლია საზამთროს დიეტით წონაში დაკლება

⇒ ვინ არის ნიცა თავაძის დედა - ნახეთ ფოტოები

⇒ რით შეიძლება ჩავანაცვლოთ ტუალეტის ქაღალდი - მეცნიერების რჩევა

⇒  როგორ გავაქროთ მაცივრიდან უსიამოვნო სუნი - საუკეთესო მეთოდი