კვიპროსის პრეზიდენტი ადასტურებს, რომ სამხრეთ კვიპროსში, ბრიტანულ ბაზაზე თავდასხმა ირანული დრონით განხორციელდა, თუმცა კვიპროსი რაიმე სამხედრო ოპერაციაში მონაწილეობას არ აპირებს

კვიპროსის პრეზიდენტი ნიკოს ქრისტოდულიდესი ადასტურებს, რომ სამხრეთ კვიპროსში, ბრიტანულ ბაზაზე თავდასხმა ირანული დრონით განხორციელდა.

მისივე თქმით, შუაღამის შემდეგ „შაჰედის“ უპილოტო საფრენი აპარატი აკროტირიში მდებარე დიდი ბრიტანეთის სამხედრო ობიექტებს შეეჯახა, რამაც „მცირე მატერიალური ზიანი გამოიწვია“.

პრეზიდენტმა ასევე აღნიშნა, რომ მუდმივ კონტაქტშია ევროპისა და სხვა ქვეყნების ლიდერებთან. მისივე თქმით, კვიპროსი არ აპირებს რაიმე სახის სამხედრო ოპერაციაში მონაწილეობას.