"კლოუნი მიდის...", "ის არ უნდა დარჩეს თანამდებობაზე," - რას წერს ექსპრემიერი და რუსეთის დუმა ჯონსონზე

ბრიტანეთის პრემიერი ბორის ჯონსონი საზოგადოებას მადლობას უხდის და აღნიშნავს, რომ ფორმალურად ის პოსტზე რჩება, სანამ პრემიერის სავარძელს ახალი კანდიდატურა დაიკავებს. 

"მინდა, ბრიტანეთის საზოგადოებას იმ უდიდესი პრივილეგიისთვის - მემსახურა პრემიერმინისტრად, მადლობა გადავუხადო.

მინდა იცოდეთ, რომ ამიერიდან, სანამ ჩემი მემკვიდრე პრემიერის პოსტს დაიკავებს, თქვენი ინტერესები იქნება დაცული და ქვეყნის მმართველობა გაგრძელდება." - დაწერა ბორის ჯონსონმა. 

I want to thank you, the British public, for the immense privilege of serving you as Prime Minister.

I want you to know that from now until my successor is in place, your interests will be served and the government of the country will be carried on.https://t.co/T4kJoxmZ8q pic.twitter.com/Hn4rDUV319

— Boris Johnson (@BorisJohnson) July 7, 2022

ჯონსონის გადაწყვეტილებას დატოვოს პარტიის ლიდერის რიგები და ასევე, ქვეყნის პრემიერობაზე უარი თქვას, მისი წინამორბედი, ჯონ მეჯორი დადებითად აფასებს და აცხადებს, რომ ქვეყნის ინტერესების გამო ბორის ჯონსონმა დაუნინგ - სთრითზე ერთი წუთითაც აღარ უნდა დააყოვნოს. 
 
"წინადადება, რომ პრემიერ-მინისტრს უფლება მიეცეს თანამდებობაზე კიდევ სამი თვის განმავლობაში დარჩეს, მინისტრთა კაბინეტის, მთავრობისა და მისი პარტიის საპარლამენტო ფრაქციის სრულ მხარდაჭერას დავკარგავთ, ეს არაგონივრული და ძნელად განხორციელებადია”, - აღნიშნა მან.

"ქვეყნის ზოგადი კეთილდღეობისთვის, თემთა პალატის ნდობის დაკარგვის შემდეგ, ის არ უნდა დარჩეს თანამდებობაზე იმაზე მეტხანს, ვიდრე ეს საჭიროა ძალაუფლების შეუფერხებლად გადაცემისთვის“, - განაცხადა ყოფილმა პრემიერმა.

რაც შეეხება რუსეთს, როგორც ჯონსონის ყველაზე აქტიურ კრიტიკოსს, ოფიციალური დუმის პოზიციაზე სპიკერი ვიაჩესლავ ვოლოდინი საუბრობს და აცხადებს, რომ "კლოუნი მიდის". 

"კლოუნი მიდის", - ასე გამოეხმაურა სახელმწიფო სათათბიროს თავმჯდომარე ვიაჩესლავ ვოლოდინმა Telegram არხზე ბრიტანეთის პრემიერ-მინისტრის, ბორის ჯონსონის გადადგომის გადაწყვეტილებას.

მისი თქმით, ზელენსკის ახლო მეგობარი და მფარველი იძულებულია თანამდებობა დატოვოს:

"მიუხედავად ყველა მცდელობისა, ის ვერ გადარჩა".

ბორის ჯონსონი ჩვენი მშვიდობიანი ქალაქების - ბელგოროდის, კურსკის დაბომბვის უკან დგას.

ეს ბრიტანელმა სუბიექტებმა უნდა იცოდნენ.

ის არის რუსეთის წინააღმდეგ ომის ერთ-ერთი მთავარი იდეოლოგი", - აღნიშნა ვიაჩესლავ ვოლოდინმა.

"სწორია, ევროპული სახელმწიფოების ლიდერებმა იფიქრონ იმაზე, თუ რას იწვევს ასეთი პოლიტიკა", დაასკვნა მან.