აპრილის თვის ამინდის პროგნოზი სრულად
1774800778
ირანმა არაბთა გაერთიანებული საამიროების ქალაქ დუბაის პორტში ნავთობით დატვირთული ქუვეითის ტანკერი ალ-სალმი დაბომბა. ინფორმაციას Al Jazeera ავრცელებს.
ქუვეითის ნავთობის კორპორაციის განცხადებით, დაბომბვის შედეგად გემზე, რომელიც 2 მილიარდ ბარელ ნავთობს იტევს, ხანძარი გაჩნდა. არსებობს ზღვაში ნავთობის დაღვრის საშიშროება. ნავთობის დაღვრამ, შესაძლოა, ეკოლოგიური კატასტროფა გამოიწვიოს.
ადგილზე მობილიზებულნი არიან დუბაის სახანძრო-სამაშველოს სამსახურის წარმომადგენლები. ისინი ხანძრის ჩაქრობას ცდილობენ.
ინციდენტის დროს ტანკერზე ეკიპაჟის 24 წევრი იმყოფებოდა. ამ დროისთვის ისინი უსაფრთხო ადგილას არიან გადაყვანილნი.
