ირანის შეიარაღებული ძალების სპიკერმა მიანიშნა, რომ აშშ, შესაძლოა, საკუთარ თავთან აწარმოებდეს მოლაპარაკებებს

ირანის სამხედრო უწყებამ მიანიშნა, რომ აშშ, შესაძლოა, საკუთარ თავთან აწარმოებდეს მოლაპარაკებებს, იმ ფონზე, როდესაც თეთრი სახლი ომის დასასრულებლად თეირანთან შეხვედრებს აანონსებს.

ირანის სამხედრო სპიკერმა, იბრაჰიმ ზოლფაქარიმ აშშ-ს მიმართა და განაცხადა, რომ „თქვენი დაპირებების ეპოქა დასრულდა“.

„თქვენი შიდა კონფლიქტების დონემ იმ ნიშნულს მიაღწია, რომ უკვე საკუთარ თავთან აწარმოებთ მოლაპარაკებებს?“ - იკითხა ზოლფაქარიმ, ირანის შეიარაღებული ძალების ერთიანი სარდლობის, „ხათამ ალ-ანბიას“ ცენტრალური შტაბის სპიკერმა.