ინფიცირების ყოველი მეხუთე შემთხვევა 48 საათში სიკვდილით სრულდება... - დაფიქსირდა სიცოცხლისთვის საშიში ინფექციის, Vibrio vulnificus-ის, აფეთქება (აშშ)

აშშ-ის სანაპირო შტატებში გახშირდა ადამიანების დაინფიცირების შემთხვევები ხორცისმჭამელი ბაქტერიით — Vibrio vulnificus-ით. ამის შესახებ Tribune იუწყება.

Vibrio vulnificus-მა, ფაქტობრივად, ქვეყნის პლაჟები მოიცვა. აშშ-ის დაავადებათა კონტროლისა და პრევენციის ცენტრმა (CDC) დაადასტურა ინფექციის აფეთქება 11 შტატში, მათ შორის ფლორიდასა და ლუიზიანაში, სადაც დაფიქსირდა შესაბამისად 20 და 17 შემთხვევა ლეტალური შედეგით. ამ ბაქტერიას, რომელსაც მედიაში „ხორცისმჭამელს“ უწოდებენ, შეუძლია იცხოვროს თბილ, ოდნავ მარილიან წყალში და ადამიანის ორგანიზმში აღწევს უმი ზღვის პროდუქტების მიღებით ან ღია ჭრილობების მეშვეობით. ინფიცირების ყოველი მეხუთე შემთხვევა 48 საათში სიკვდილით სრულდება.

სპეციალისტები ბაქტერიის გავრცელებას კლიმატის ცვლილებას უკავშირებენ — წყლის ტემპერატურის მატება იძლევა იდეალურ პირობებს ბაქტერიის გამრავლებისთვის. ინფიცირების საწყის სიმპტომებს შორისაა გულისრევა, დიარეა და ბუშტუკები კანზე. რისკის ჯგუფში შედიან ადამიანები, ვისაც დაუქვეითებული იმუნიტეტი ან ქრონიკული დაავადებები აქვთ.