ინდოელმა სეისმოლოგმა დაასახელა კიდევ ერთი ადგილი, სადაც ნებისმიერ დროს შესაძლოა ძლიერი მიწისძვრა მოხდეს

ინდოელი გეოფიზიკოსი რაო: დამანგრეველმა მიწისძვრამ შეიძლება ნებისმიერ მომენტში დაარტყას ჰიმალაებს. ამის შესახებ საზოგადოება გააფრთხილა ინდოეთის გეოფიზიკური კვლევის ეროვნული ინსტიტუტის მთავარმა მეცნიერმა, პურნაჩანდრა რაომ ANI-სთან ინტერვიუში.

სეისმოლოგის თქმით, ამ მხრივ ყველაზე დაუცველია ტერიტორია ჩრდილოეთ ინდოეთში მდებარე ჰიმაჩალ პრადეშის შტატსა და ნეპალის დასავლეთ ნაწილს შორის.„ინდოეთის ლითოსფერული ფირფიტა წელიწადში დაახლოებით ხუთი სანტიმეტრით ინაცვლებს, რაც იწვევს ჰიმალაის გასწვრივ დაძაბულობის დაგროვებას და ზრდის ძლიერი მიწისძვრის ალბათობას“, - ციტირებს მედია მეცნიერს.