1749577630
ამერიკის მთავრობის ეფექტურობის დეპარტამენტის ყოფილ ხელმძღვანელთან, ილონ მასკთან კონფლიქტის მიუხედავად აშშ-ის პრეზიდენტი, დონალდ ტრამპი სერვის Starlink-ზე უარის თქმას არ აპირებს. შეერთებული შტატების პრეზიდენტმა ეს განცხადება თეთრ სახლში ჟურნალისტებთან საუბრისას გააკეთა.
მედიის წარმომადგენლები მასკის მიერ ნარკოტიკების შესაძლო მოხმარებით კიდევ ერთხელ დაინტერესდნენ. ტრამპმა კი იმედი გამთქვა რომ ეს სიმართლეს არ შეესაბამება.
„შესაძლებელია, Tesla ცოტათი გვერდზე გავწიოთ, მაგრამ არ ვფიქრობ, რომ ეს Starlink-ს შეეხება. ეს კარგი სერვისია. რაც შეეხება მასკის მიერ ნარკოტიკების მოხმარების ალბათობას, მართლა არაფერი ვიცი. არ მგონია ეს სიმართლე იყოს და იმედი მაქვს, რომ ეს ასეა. მე მას ყველაფერს საუკეთესოს ვუსურვებ“, - თქვა ტრამპმა.
