იერუსალიმში, თელ-ავივსა და რამათ განში მთელი ღამის განმავლობაში აფეთქებებისა და სირენების ხმა ისმოდა

 აფეთქებებისა და გამაფრთხილებელი სირენების ხმა ისმოდა მთელი ღამის განმავლობაში იერუსალიმში, თელ-ავივსა და რამათ განში. სარაკეტო თავდასხმის შედეგად, მსუბუქი დაზიანებები მიიღო სამმა ადამიანმა.

იერიში იყო ისრაელის ქალაქ ბერ-შებაზეც. ამ იერიშების შემდეგ, ისრაელმა ირანის წინააღმდეგ თავდასხმების ახალი ტალღის დაწყება დააანონსა.

პარალელურად, ლიბანში ისრაელის სამხედრო ძალებმა ევაკუაციის ახალი განკარგულება გასცეს. ისრაელის სამხედრო ძალების სამიზნე სამხრეთ ლიბანში "ჰეზბოლას" მიერ კონტროლირებადი 16-მდე დასახლებაა.

მთელი ღამის განმავლობაში, აფეთქებების ხმა ისმოდა ქალაქ სიდონშიც. სარაკეტო თავდასხმის შედეგად, დაღუპულია 50 ადამიანი, ხოლო დაშავებულთა რიცხვი 335-ს აღწევს. ისრაელის თავდაცვის ძალების განცხადებით, ლიბანში თავდასხმის შედეგად მოკლეს ირანის "ყუდსის ძალების" მეთაური, დაუდ ალი ზადეჰი. ირანს ამ საკითხთან დაკავშირებით ჯერჯერობით კომენტარი არ გაუკეთებია.

Reuters-ის ინფორმაციით, მთელი ღამის განმავლობაში, აფეთქებების ხმა ისმოდა კატარშიც. დაშავებულებზე ინფორმაცია ამ დროისთვის არ გავრცელებულა.

ირანის სამიზნე ღამით გახდა დუბაიში ამერიკის შეერთებული შტატების საკონსულო. დაშავებულებზე ინფორმაცია არ ვრცელდება. იყო მცირე ხანძრი.