იაპონიაში მიწისძვრის შედეგად დაღუპულთა რაოდენობა 100-მდე გაიზარდა

იაპონიაში მიწისძვრის შედეგად დაღუპულთა რიცხვი 100-მდე გაიზარდა, მაშველები ნანგრევებში კიდევ 211 ადამიანს ეძებენ.

როგორც The Guardian წერს, მიწისძვრიდან 72 საათის შემდეგ, ნანგრევებში პოულობენ ცოცხლად გადარჩენილებსაც.

ინფორმაციისთვის, იაპონიაში პირველ იანვარს 7 ბალიანი მიწისძვრა მოხდა, რამაც გამოიწვია ნგრევა, ხანძარი და 5 მეტრიანი ცუნამი. როგორც ტოკიოს უნივერსიტეტის მიწისძვრის კვლევის ინსტიტუტმა დაადგინა, სტიქიის შედეგად დასავლეთ იაპონიაში ქვიშიანი სანაპირო ზოლი ზოგიერთ ადგილას ზღვაში 250 მეტრით არის შესული.