ჰარი პოტერის სამყარო ამოსუნთქვის საშუალებას არ მაძლევდა - რუპერტ გრინტი

რუპერტ გრინტის თქმით, ჰარი პოტერის სამყარო ამოსუნთქვის საშუალებას არ აძლევდა. ინფორმაციას ამის შესახებ უცხოური მედია ავრცელებს. 

მსახიობის თქმით, ცნობადობასთან, რაც რონის განსახიერებამ მოუტანა, გამკლავება ყოველთვის ადვილი არ იყო:

„ფილმის გადაღებები მთელი წელი გრძელდებოდა, მუშაობის დასრულებისთანავე კი ფილმის პიარ-კამპანიას ვიწყებდით. საერთოდ არ გვქონდა ამოსუნთქვის საშუალება",- ამბობს ის. 

რუპერტი 11 წლის იყო, როცა რონის როლი მიიღო და 22 წლის - როცა ფილმების გადაღება დასრულდა. მსახიობის თქმით, ჰარი პოტერის ბოლო ფილმზე მუშაობის შემდეგ, დარწმუნებული არ იყო, ისევ უნდოდა თუ არა სამსახიობო კარიერის გაგრძელება:

„შესვენება მჭირდებოდა, რომ ყველაფერზე მეფიქრა... ძალიან უცნაური იყო ეს შეგრძნება, თუმცა ვფიქრობ, შესაფერის დროს დავასრულეთ; რომ გაგვეგრძელებინა, შესაძლოა, ცუდად განვითარებულიყო მოვლენები."

მსახიობის თქმით, მადლიერია, რომ ამ ფილმებზე მუშაობის შესაძლებლობა მიეცა და ვინმემ რომ რონი დაუძახოს, აუცილებლად უპასუხებს : "ეს ჩემი მეორე სახელია."