გარდაიცვალა 6 თვის ბიჭუნა, რომელიც დედამ ძიძასთან დატოვა - ბავშვს თავის ქალა აქვს გატეხილი

პეტერბურგში ბავშვი გარდაიცვალა, რომელიც დედამ ძიძასთან ერთად დატოვა. ამის შესახებ 78.ru იტყობინება.

დედამ Telegram-ის საშუალებით ექვსი თვის ბიჭს ძიძა უპოვა, მისი მომსახურებით ოთხი კვირა სარგებლობდა. ბავშვთან ერთად დსთ-ს ერთ-ერთი ქვეყნის მოქალაქე იჯდა. თავდაპირველად გავრცელდა ინფორმაცია, რომ ქალმა მას ნუროფენი (იბუპროფენი) მისცა, რადგან ბიჭს კბილები ამოსდიოდა. გარკვეული პერიოდის შემდეგ დედას დაურეკა და სასწრაფოდ მისვლა სთხოვა. აღმოჩნდა, რომ ბავშვი ცუდად გახდა და კრუნჩხვები დაეწყო. სამედიცინო ჯგუფმა ბავშვის გადარჩენა ვერ შეძლო. თუმცა გაკვეთის შემდეგ ექიმი სულ სხვა დასკვნამდე მივიდა. ექსპერტის თქმით, გარდაცვალების მიზეზი თავის ტვინის შერყევა გახდა. ჩვილს ასევე დაუდგინდა თავის ქალას მოტეხილობა და თავის ტრავმა ბლაგვი საგნით მიყენებული ტრავმის გამო. გამოძიება გრძელდება. ძიძა იზოლაციაშია, მის მიმართ ადმინისტრაციული ოქმია შედგენილი. სისხლის სამართლის საქმის აღძვრის საკითხი წყდება.