ფრიდრიხ მერცი პიტერ მაგიარს: მოუთმენლად ველოდები თქვენთან თანამშრომლობას ძლიერი, უსაფრთხო და ერთიანი ევროპისთვის

გერმანიის კანცლერმა ფრიდრიხ მერცმა პარტია „ტისას“ ლიდერს, პიტერ მაგიარს უნგრეთის საპარლამენტო არჩევნებში გამარჯვება მიულოცა.

„უნგრეთმა გადაწყვეტილება მიიღო. გილოცავთ არჩევნებში გამარჯვებას, ძვირფასო პიტერ მაგიარ. მოუთმენლად ველოდები თქვენთან თანამშრომლობას ძლიერი, უსაფრთხო და, უპირველეს ყოვლისა, ერთიანი ევროპისთვის“, - წერს მერცი სოციალურ ქსელ „იქსზე“.

ხმების 99%-ზე მეტის დათვლის შედეგად, ქვეყნის საპარლამენტო არჩევნებში პარტია „ტისა“ ლიდერობს. მას 138 მანდატი ხვდება.