ძებნილი სომეხი მილიარდერი, კარენ ვანეციანი დააკავეს

მოსკოვში პოლიციამ რუსეთის უმსხვილესი, ცხიმის მწარმოებელი კომპანიის (ბრენდები Ideal და Oleina) მფლობელი, კარენ ვანეციანი დააკავა. სომხეთის ეროვნული უსაფრთხოების სამსახურის ყოფილი უფროსის, არტურ ვანეციანის ძმა სამშობლოში ფულის გათეთრებაშია ეჭვმიტანილი.

SHOT-ის ინფორმაციით, რუსეთის დედაქალაქში სომხეთისა და შვეიცარიის მოქალაქეობის მქონე, 55 წლის ბიზნესმენი დააკავეს. ჯერ კიდევ 2018 წელს, სომხეთის პროკურატურამ მის წინააღმდეგ საქმე აღძრა მუხლით „ფულის გათეთრება სამსახურებრივი უფლებამოსილების გამოყენებით“, ხოლო გასულ წელს ის ძებნილთა სიაში განთავსდა.
გამოძიების თანახმად, ვანეციანმა 15,5 მილიონ დოლარად იყიდა ზანგეზურის სპილენძ-მოლიბდენის კომბინატის 12,5%-იანი წილი, რომელიც რეალურად ეკუთვნოდა ვატიკანში სომხეთის ელჩს. ინდუსტრიული მაგნატი, სავარაუდოდ, 35 მილიონი დოლარით გამდიდრდა ყველა უკანონო გარიგების შედეგად.

ერთი წლის წინ, ვანეციანმა ასევე შეიძინა ამერიკელი აგრარული ტრეიდერის Bunge-ის რუსული ბიზნესი, რომელიც აწარმოებს Ideal, Oleina და Maslenitsa ზეთებს. მეწარმის თქმით, მან აქტივები იყიდა რეალური ღირებულების ნახევარ ფასად. მისი კომპანიის საწესდებო კაპიტალი შეძენის შემდეგ შეადგენდა 1,3 მილიარდ რუბლს. თავად სომხეთში, პრემიერ-მინისტრ ნიკოლ ფაშინიანის პოლიტიკით უკმაყოფილო აქტივისტები ამ საკითხს პოლიტიკურად მიკერძოებულად მიიჩნევენ.

ასევე ნახეთ:

ხანძარი თელავში - ცეცხლი ორსართულიან სახლში გაჩნდა

„ქალი თუ თხოვდება, უნდა გათხოვდეს მეგრელზე...” – რას წერს კესარია აბრამიძე

NASA-მ მარსზე ტბის კვალი აღმოაჩინა