დონალდ ტრამპმა მანჰეტენის სასამართლოს შენობა დატოვა

დონალდ ტრამპმა მანჰეტენის სასამართლოს შენობა დატოვა. „ბიბისის“ ცნობით, მას მედიასთან კომენტარი არ გაუკეთებია. ტელეკომპანიის ინფორმაციით, აშშ-ის ყოფილმა პრეზიდენტმა სასამართლოს შენობაში დაახლოებით 57 წუთი დაჰყო.

როგორც ვარაუდობენ, დღეს ტრამპი ფლორიდაში დაბრუნებას აპირებს, სადაც მხარდამჭერებს სიტყვით მიმართვას.

შეგახსენებთ, რომ მანამდე აშშ-ის ყოფილ პრეზიდენტს ბრალი წარუდგინეს 34 სხვადასხვა მუხლით, მათ შორის ბიზნეს დოკუმენტაციის გაყალბებაში.

თავად დონალდ ტრამპი დანაშაულს არ აღიარებს.

ასევე დაგაინტერესებთ:

რა დაწერა სოციალურ ქსელში ტრამპმა დაკავებამდე