დონალდ ტრამპის მონიშვნისას, ხმა ავტომატურად კამალა ჰარისს უფიქსირდებოდა - კენტუკის შტატში, ხმის მიცემის აპარატთან დაკავშირებით, ხარვეზი დაფიქსირდა

კენტუკის შტატის ლორელის ოლქში მდებარე საარჩევნო უბანზე, ხმის მიცემის აპარატთან დაკავშირებით, ხარვეზი დაფიქსირდა. დონალდ ტრამპის მონიშვნისას, ხმა ავტომატურად კამალა ჰარისს უფიქსირდებოდა. ინფორმაციას ამერიკული მედია ავრცელებს.

გავრცელებული ვიდეომასალის თანახმად, ამომრჩეველმა არაერთხელ სცადა, ხმა მიეცა დონალდ ტრამპისთვის, თუმცა აპარატმა ამომრჩევლის არჩევანი სწორად არ დააფიქსირა და საბოლოოდ, მოქმედი ვიცე-პრეზიდენტი, კამალა ჰარისი აირჩია.