დონალდ ტრამპი ვლადიმერ პუტინითა და ვოლოდიმირ ზელენსკით იმედგაცრუებულია - თეთრი სახლის პრესმდივანი

დონალდ ტრამპი ვლადიმერ პუტინითა და ვოლოდიმირ ზელენსკით იმედგაცრუებულია. განცხადებას თეთრი სახლის პრესმდივანი აკეთებს. კაროლინ ლევიტის თქმით, შეერთებული შტატების 47-ე პრეზიდენტს სურს, რომ კონფლიქტი რაც შეიძლება სწრაფად დასრულდეს.

ითქვა ისიც, რომ დონალდ ტრამპს განსაკუთრებით ომის მსხვერპლი აწუხებს.

"დონალდ ტრამპი ზელენსკითა და პუტინით იმედგაცრუებულია. მას სურს, რომ ეს ომი დასრულდეს. ორივე მხარეს იღუპებიან ადამიანები და ეს უკვე ძალიან დიდი ხანია, გრძელდება. ჩვენი გუნდი განაგრძობს თანამშრომლობას როგორც რუსებთან, ისე უკრაინელებთან და პრეზიდენტი ძალიან აქტიურად არის ჩართული ამ საკითხში ყოველდღიურად," -განაცხადა თეთრი სახლის პრესმდივანმა მედიასთან გამართული შეხვედრის დროს.