ჩვენ გავაკეთეთ უფრო მეტი, ვიდრე რომელიმე სხვა ადმინისტრაციამ ჩვენი ქვეყნის ისტორიაში პირველი 100 დღის განმავლობაში, გასაოცარი იყო, რასაც მივაღწიეთ - დონალდ ტრამპი

ჩვენ გავაკეთეთ უფრო მეტი, ვიდრე რომელიმე სხვა ადმინისტრაციამ ჩვენი ქვეყნის ისტორიაში პირველი 100 დღის განმავლობაში, – ამის შესახებ აშშ-ის პრეზიდენტმა, დონალდ ტრამპმა განაცხადა.

ტრამპის თქმით, თეთრი სახლში მისი ადმინისტრაციის მოსვლიდან მალე 100 დღე შესრულდება.

„ჩვენ ვუახლოვდებით პრეზიდენტობის 100-ე დღეს და ბევრი ადამიანისგან მივიღეთ აღიარება, რეალურად. ზოგიერთი ყალბი მედიისგანაც კი, დაიჯერებთ? რომელიც ამ შემთხვევაში იმედია, არ არის ყალბი, იმიტომ, რომ ჩვენ ამ დროის განმავლობაში გავაკეთეთ უფრო მეტი, ვიდრე რომელიმე სხვა ადმინისტრაციამ ჩვენი ქვეყნის ისტორიაში პირველი 100 დღის განმავლობაში. ვფიქრობ, რომ გასაოცარი იყო ის, რაც გავაკეთეთ, რასაც მივაღწიეთ. მინდა, ვნახო, შეგვიძლია თუ არა, დავასრულოთ ეს ომი და არ დავუშვათ კიდევ ერთი ომის დაწყება ახლო აღმოსავლეთში. ჩვენ უნდა გავიგოთ, რომ რუსეთი კარგავს საშუალოდ 2000-2500 ადამიანს დღეში. ახალგაზრდა ადამიანებს, ჯარისკაცებს, რუსებს. ისინი კარგავენ ამ ჯარისკაცებს, ისინი იღუპებიან. ისინი არ არიან ჩვენი ქვეყნიდან, მაგრამ ისინი არიან ადამიანები. ისინი არიან რუსეთიდან, ისინი არიან უკრაინიდან. ჩვენ ვაპირებთ, შევაჩეროთ ეს. ეს უაზრო ომია. ეს არასდროს მოხდებოდა მე რომ ვყოფილიყავი პრეზიდენტი და არ უნდა დავუშვათ, რომ ეს გაგრძელდეს“, – განაცხადა დონალდ ტრამპმა.