ტრამპმა თითქმის ყველა იმპორტირებულ საქონელზე ტარიფები დააწესა - საქართველო იმ ქვეყნების ჩამონათვალშია, რომლისთვისაც ყველაზე დაბალი ტარიფი იმოქმედებს

აშშ-ში იმპორტირებულ თითქმის ყველა საქონელზე დონალდ ტრამპმა ტარიფები დააწესა. იმ ქვეყნების ჩამონათვალში, რომელთათვისაც ყველაზე დაბალი, საბაზისო, 10%-იანი ტარიფი იმოქმედებს, არის საქართველოც.

ამერიკის პრეზიდენტმა მედიას ცხრილი წარუდგინა, სადაც ჩამოთვლილია სახელმწიფოები და მათთვის დაწესებული ტარიფები. კერძოდ, ვაშინგტონი ევროკავშირიდან შემოსულ საქონელზე 20%-იან ტარიფს აწესებს, ჩინეთისთვის ტარიფი 34%-ია; დიდი ბრიტანეთისთვის — 10%. ყველაზე მაღალი ტარიფები დაწესდა კამბოჯასთვის 49%, ვიეტნამისთვის 46% და შრი-ლანკასტვის 44%. ჩამონათვალში არ მოხვდა რუსეთი.

"ათწლეულების განმავლობაში, აშშ-მა სხვა ქვეყნების მიმართ სავაჭრო ბარიერები შეამცირა, მაშინ, როდესაც ამ ქვეყნებმა "ამერიკულ პროდუქციაზე უზარმაზარი ტარიფები დააწესეს" - ასე ახსენა ტრამპმა საკუთარი გადაწყვეტილება.