დაპირისპირებული უკრაინელები დამარცხდებიან, 14 იანვრის შემდეგ ჩვენი გამარჯვება გარანტირებულად აღარ გამოიყურება - არესტოვიჩი

„დაპირისპირებული უკრაინელები დამარცხდებიან, 14 იანვრის შემდეგ ჩვენი გამარჯვება გარანტირებულად აღარ გამოიყურება“, - ამის შესახებ უკრაინის პრეზიდენტის ოფისის ხელმძღვანელის ყოფილმა მრჩეველმა, ალექსეი არესტოვიჩმა უკრაინელ ჟურნალისტთან, იური რომანენკოსთან ინტერვიუში განაცხადა.

„ახლა ოფიციალური პირი აღარ ვარ და შემიძლია ყველაფერი ვთქვა, რაც მსურს. თუ ყველა ფიქრობს, რომ ჩვენ გარანტირებულად მოვიგებთ ომს, ეს ასე არ არის. 14 რიცხვიდან სიტუაცია არ გამოიყურება ასე“, - აღნიშნა არესტოვიჩმა.

ამასთან, მან აღნიშნა, რომ უკრაინელებს შეუძლიათ ადვილად გაიმარჯვონ, თუ ისინი გაერთიანდებიან და ერთმანეთს არ ეჩხუბებიან.

მან ყურადღება პოლონეთის პრეზიდენტის, ანჯეი დუდას განცხადებაზეც გაამახვილა, რომელმაც აღნიშნა, რომ მალე დადგება გადამწყვეტი მომენტი, რომელშიც გაირკვევა გადარჩება თუ არა უკრაინა.

„თქვენ როგორ ფიქრობთ, დუდას შეფასება იმაზე, რომ უცნობია, გაუძლებს თუ არა უახლოეს თვეებს უკრაინა - უბრალოდ ისე ითქვა თუ ეს მან რამე ინფორმაციის საფუძველზე აღნიშნა?“ - დასძინა არესტოვიჩმა.