CNN: უცნობი ადამიანი აშშ-ში თურქეთის საელჩოში მივიდა და მიწისძვრის მსხვერპლთა დასახმარებლად 30 მილიონი დოლარი გაიღო

აშშ-ში მდებარე თურქეთის საელჩოში უცნობი მამაკაცი მივიდა და მიწისძვრის შედეგად დაზარალებულებისთვის 30 მილიონი დოლარის დონაცია განახორციელა, - ამის შესახებ CNN-ი პაკისტანის პრემიერ-მინისტრის, შეჰბაზ შარიფის განცხადებაზე დაყრდნობით იუწყება. 

შარიფის თქმით, უცნობი პირი პაკისტანის მოქალაქე იყო.

„სასიამოვნოდ გაოცებული ვარ უცნობი პაკისტანელის მაგალითით, რომელიც ამერიკაში თურქეთის საელჩოში მივიდა და 30 მილიონი დოლარის დონაცია განახორციელა“, – წერს შარიფი „ტვიტერზე“.

თურქეთის ერთ-ერთმა სახელმწიფო მედიამ, Anadolu Agency-მ ინფორმაცია დაადასტურა.