ჩრდილოეთ კორეაში, 20 000 ვიზიტორზე გათვლილი სანაპირო კურორტი გაიხსნა - რაუნდა იცოდეთ ახალი ტურისტული ზონის შესახებ

კიმ ჩენ ინმა ჩრდილოეთ კორეაში 20 000 ვიზიტორზე გათვლილი სანაპირო კურორტი გახსნა.

ჩრდილოეთ კორეის სახელმწიფო ტელევიზიის, KCNA-ის ინფორმაციით, გაიხსნა 4 კმ-ზე გადაჭიმული სანაპირო, სადაც სასტუმროები, რესტორნები და სავაჭრო ცენტრებია განთავსებული. 

მედიის ცნობით, კიმ ჩენ ინი იმედოვნებს, რომ ახალი კურორტი ქვეყანაში ტურიზმის განვითარებას შეუწყობს ხელს.

კორეის აღმოსავლეთ სანაპიროზე, ფხენიანიდან დაახლოებით 220 კილომეტრის დაშორებით მდებარე ვონსან კალმას მშენებლობა ათ წელზე მეტი ხნის განმავლობაში მიმდინარეობდა.

კურორტის შესახებ პირველად 2013 წელს კიმ ჩენ ინმა გამოაცხადა. კიმი მხარს უჭერდა ვონსან კალმას განვითარებას და ხელმძღვანელობდა ისეთ პროექტებს, როგორიცაა კალმას აეროპორტი, ორმაგი დანიშნულების საერთაშორისო აეროპორტი და სამხედრო საცდელი პოლიგონი.

ტურისტულ ზონაზე სამუშაოები 2014 წელს დაიწყო, გახსნა კი 2019 წლის აპრილში იგეგმებოდა, თუმცა სამშენებლო მასალებზე სანქციებმა და პანდემიის გამო დაწესებულმა შეზღუდვებმა ეს თარიღი გადადო.

რა იქნება ვონსან კალმას კურორტზე?

კომპლექსი 4 კილომეტრის სიგრძის სანაპირო ზოლზეა გადაჭიმული, სახლებით, სასტუმროებითა და ჰოსტელებით.

სხვა ღირსშესანიშნაობებს შორისაა აკვაპარკები, „ზღვის აბაზანის მომსახურების ობიექტები, სხვადასხვა სპორტული და დასასვენებელი ობიექტი“.

ასევე ადგილზე იქნება „კომერციული და საზოგადოებრივი კვების ობიექტები, სრულად აღჭურვილი ყველა პირობით... აღმოსავლეთ სანაპიროზე მდებარე თვალწარმტაცი ადგილის სილამაზის უზრუნველსაყოფად ყველა სეზონზე“, - განაცხადა KCNA-მ.

ვის შეუძლია ვონსან კალმას კურორტის მონახულება?

KCNA-ს ცნობით, კურორტი ადგილობრივი ტურისტებისთვის 1-ელი ივლისიდან გაიხსნება. თუმცა, ჯერ არ არის ცნობილი, დაშვებული იქნება თუ არა მსოფლიოს დანარჩენი ქვეყნებიდან ჩამოსული ვიზიტორებისთვის აქ სტუმრობა.

 7 ივლისიდან, რუსული ტურების სპეციალისტი ქვეყანაში თავის პირველ ერთკვირიან მოგზაურობას უხელმძღვანელებს.

მარშრუტიც საკმაოდ დატვირთულია. სტუმრები ფხენიანში ჩავლენ, ვონსან კალმაში შიდა რეისით გაფრინდებიან, შემდეგ კი ახალ კურორტზე ოთხ ღამეს გაატარებენ.

შემდეგ ისინი მთებისკენ გაემართებიან, სადაც გაჩერდებიან მასიკრიონგის სათხილამურო კურორტზე, რომელიც ხმელეთიდან 50 კილომეტრში მდებარეობს.

მათი კვირა ფხენიანში ღირსშესანიშნაობების დათვალიერების ბოლო დღით დასრულდება.

ცნობისთვის, ჩრდილოეთ კორეას ძირითადად რუსი და ჩინელი ტურისტები სტუმრობენ.

ვონსანო 2015 წელს