ბულგარეთმა უკრაინას ჭურვების მიწოდებაზე უარი უთხრა - რა არის მიზეზი

უკრაინამ ბულგარეთის მთავრობას საბრძოლო მასალის მიწოდება სთხოვა. თუმცა სოფიამ უარი განაცხადა, რადგან ბულგარეთს არ აქვს საკმარისი ჭურვები. ამის შესახებ ბულგარეთის თავდაცვის მინისტრმა, დიმიტარ სტოიანოვმა განაცხადა.

მისი თქმით, ბულგარეთი არ ახორციელებს იარაღისა და აღჭურვილობის ექსპორტს პარლამენტის მიერ დამტკიცებული სიის მიღმა.

„ჩვენ არ გვინდა, რომ დროებითი მთავრობა დაემსგავსოს მთავრობას (კირილ პეტკოვის წინა მთავრობა), რომელმაც ბულგარული იარაღი დაარიგა და ბულგარეთის არმია საჭირო აღჭურვილობის გარეშე დატოვა“, - განაცხადა სტოიანოვმა.

მან ასევე განაცხადა, რომ უკრაინამ მოითხოვა იარაღის მიწოდება, რომელიც არ იყო დამტკიცებულ სიაში.

„უკრაინის თავდაცვის მინისტრმა ითხოვა რაღაც კონკრეტული, რაც კონტრაქტში არ არის და რაც ჩვენ არ გვაქვს და ვერ მივაწოდებთ. ჩვენ არ გვაქვს საკმარისი. ეს არ ეხება S-300-ს. ეს ეხება საბრძოლო მასალას“, - განაცხადა მინისტრმა და დასძინა, რომ მოლაპარაკებების დროს საუბარი იყო ჯავშანტექნიკაზეც.