1745299467
ახლო აღმოსავლეთში ცეცხლი არ წყდება - ღაზაში ისრაელის იერიშებს, ბოლო 24 საათში, კიდევ 29 ადამიანი ემსხვერპლა.
მედია წერს, რომ "ცახალმა" დარტყმები ჰუმანიტარულ ზონაში მდებარე დევნილთა ბანაკებზე მიიტანა. BBC-ის ინფორმაციით, სამშვიდობო მოლაპარაკებების მონაწილე ქვეყნებმა - ეგვიპტემ და ყატარმა, კონფლიქტის მხარეებს ახალი, 7-წლიანი ზავის წინადადება წარუდგინეს. შეთავაზება მრავალწლიან შეთანხმებას ითვალისწინებს, რომლის მიხედვითაც ისრაელმა ღაზიდან სრულად უნდა გაიყვანოს სამხედროები, "ჰამასმა" კი მძევლები უნდა დააბრუნოს.
ბრიტანული მაუწყებლის ცნობით, ოფიციალურ თელ-ავივს გეგმაზე კომენტარი არ გაუკეთებია, ჰამასმა კი მოლაპარაკებებისთვის დელეგაცია ქაიროში გაგზავნა.
