ავიაკატასტროფა რუსეთში - ვერტმფრენის ჩამოვარდნას ბორტზე მყოფი ყველა პირი ემსხვერპლა

რუსეთში, ხაბაროვსკის ოლქში Ми-8 ტიპის ვერტმფრენი ჩამოვარდნილი იპოვეს. ავიაკატასტროფის შედეგად ბორტზე მყოფი 5-ვე ადამიანი დაიღუპა. ინფორმაციას რუსული მედია ავრცელებს.

მედიის ცნობით, ვერტმფრენი 2 დღის განმავლობაში დაკარგულად ითვლებოდა. მასთან კავშირი 14 ივლისს გაწყდა. ვერტმფრენი ოხოცკიდან მაგადანში მიფრინავდა და ავიაკომპანია "ვზლიოტის" რეისს ასრულებდა. ვერტმფრენი რემონტის შემდეგ მაგადანში ბრუნდებოდა. ხომალდზე 3 პილოტი და ორი ტექნიკოსი იმყოფებოდა.

ადგილზე სამაშველო ბრიგადები მუშაობას განაგრძობენ. საქმეზე დაწყებულია გამოძიება.