მოსალოდნელია ძლიერი თოვა, ქარბუქი, ქარი - გაფრთხილება ამინდის შესახებ
1735206452
აშშ-მა უკრაინას დამატებით 500 მილიონი დოლარის ღირებულების სამხედრო დახმარება გამოუყო.
ამის შესახებ განცხადება აშშ-ის სახელმწიფო მდივანმა ენტონი ბლინკენმა გააკეთა.
მისი თქმით, აღნიშნული დახმარება უკრაინას დაუყოვნებლივ ესაჭიროება და აუცილებელია შეიარაღებისა და აღჭურვილობის შესაძენად, რათა კიევმა შეძლოს რუსული თავდასხმებისგან თავდაცვა.
როგორც იუწყებიან, ახალ პაკეტში შედის „ჰაიმარსებისთვის“ განკუთვნილი საბრძოლო მასალა, ტანკსაწინააღმდეგო შეიარაღება, უპილოტო საფრენი აპარატები და მტრის დრონების მოსაგერიებლად საჭირო საშუალებები და სხვა სამხედრო ტექნიკა.
ამ დახმარებას უკრაინას პენტაგონის რეზერვებიდან გადასცემენ.
ამასთან „სიენენი“ ანონიმურ წყაროებზე დაყრდნობით წერს, რომ ჯო ბაიდენის ადმინისტრაცია იანვრის შუა რიცხვებამდე, ვიდრე დონალდ ტრამპის ინაუგურაცია შედგება, აპირებს უკრაინას დიდი რაოდენობით შეიარაღება გადასცეს.
ამასთან, ტელეკომპანია აღნიშნავს, რომ საუბარი არ არის უკრაინისთვის სამხედრო მხარდაჭერის ახალი პაკეტების გადაცემაზე, არამედ იმ მხარდაჭერის დაჩქარებაზე, რომელიც ისედაც დაგეგმილი იყო.
