აშშ-ის ოპერაციის სამართლებრივი შეფასება კომპლექსურია - ამისთვის დროს ავიღებთ, მთავარ საზომად საერთაშორისო სამართალი რჩება - ფრიდრიხ მერცი

ნიკოლას მადურომ თავისი ქვეყანა დაღუპვამდე მიიყვანა - ბოლო არჩევნები გაყალბდა, ამიტომ, ჩვენ - ისევე როგორც მსოფლიოს ბევრმა სხვა სახელმწიფომ - მისი პრეზიდენტობა არ ვაღიარეთ, - განაცხადა გერმანიის კანცლერმა, ფრიდრიხ მერცმა.

„მადურო რეგიონში პრობლემურ როლს ასრულებდა. აშშ-ის ოპერაციის სამართლებრივი შეფასება კომპლექსურია. ამისთვის დროს ავიღებთ. მთავარ საზომად საერთაშორისო სამართალი რჩება. ახლა ვენესუელაში პოლიტიკური არასტაბილურობა არ უნდა დაუშვან. მიზანი უნდა იყოს არჩევნების გზით ლეგიტიმირებული მთავრობისკენ მოწესრიგებული გადასვლა“, - დასძინა გერმანიის მთავრობის მეთაურმა.