„ჰაერის ტემპერატურა +31 გრადუსამდე გათბება“ - უახლოესი დღეების პროგნოზი
1759434008
ისტორიაში პირველად ანგლიკანური ეკლესიის ხელმძღვანელი ქალი გახდა. 63 წლის სარა მალალი კენტერბერის მთავარეპისკოპოსად დაინიშნა.
შვიდ წელზე მეტი ხნის განმავლობაში იგი ლონდონის ეპისკოპოსად მსახურობდა, ეკლესიაში სასულიერო პირთა შორის მესამე ყველაზე მაღალი რანგის წევრი იყო და პირველი ქალი, რომელმაც ეს თანამდებობა დაიკავა.
„როდესაც ქრისტეს მოწოდებას ამ ახალი მსახურებისკენ ვპასუხობ, ამას ვაკეთებ ღვთისა და სხვებისადმი მსახურების იმავე სულისკვეთებით, რაც მოტივაციას მაძლევდა მოზარდობის ასაკში რწმენის მიღების დღიდან. მსურს, ძალიან მარტივად, წავახალისო ეკლესია, გააგრძელოს სახარებისადმი ნდობის ზრდა, ისაუბროს იმ სიყვარულზე, რომელსაც იესო ქრისტეში ვპოულობთ და რომ ეს ჩვენს ქმედებებზე მეტყველებდეს“, – აღნიშნულია სარა მალალის პირვე განცხადებაში.
ინგლისის ეკლესიაში ქალებს მღვდლად კურთხევის უფლება მხოლოდ 1990-იანი წლების შუა პერიოდიდან მიეცათ. თუმცა, ინგლისის ეკლესიაში არიან ეპისკოპოსები, რომლებიც ღიად ეწინააღმდეგებიან ქალების სამღვდელოებაში შესვლას, რომ აღარაფერი ითქვას ამ ინსტიტუტის ხელმძღვანელობაზე. მისი ინტრონიზაციის ცერემონიის თარიღი ჯერ არ გამოცხადებულა. მალალიმ გადაწყვეტილებას, რომელიც მღვდლებს საბოლოოდ აძლევდა ერთნაირსქესიანი წყვილების კურთხევის უფლებას 2023 წელს, „ეკლესიისთვის იმედის მომენტად“ შეაფასა.
კენტერბერის მთავარეპისკოპოსი მთელ მსოფლიოში ანგლიკანური ეკლესიის სულიერ ლიდერად ითვლება. მათ ასევე მნიშვნელოვანი როლი უკავიათ საზოგადოებრივ ცხოვრებაში – ისინი დიდი ბრიტანეთის პარლამენტის ლორდთა პალატაში იკავებენ ადგილს.
