ამერიკის ციხეებიდან სალვადორში კიდევ 10 პირია დეპორტირებული - ტრამპის ადმინისტრაციამ მათ გასაძევებლად „უცხოელი მტრების შესახებ"კანონი აამოქმედა

ამერიკის შეერთებული შტატების ციხეებიდან სალვადორში კიდევ 10 პირის დეპორტაცია მოხდა. ამერიკის სახელმწიფო მდივანის, მარკო რუბიოს განცხადებით, სალვადოში დაბრუნებული პირები ტერორისტული დაჯგუფებების წევრები არიან.

ვენესუელის მოქალაქეების ქვეყნიდან გასაძევებლად, ტრამპის ადმინისტრაციამ 1798 წლის მიღებული "უცხოელი მტრების შესახებ"კანონი აამოქმედა.

ამერიკული მედიის მიხედვით, ელ-სალვადორში მყოფი მიგრანტების ადვოკატები და ოჯახის წევრები ირწმუნებიან, რომ დეპორტირებული პირები კრიმინალები და ბანდის წევრები არ არიან და მათ ამის სამართლებრივად დამტკიცების საშუალება არ მიეცათ.

"ვაშინგტონ პოსტის" ინფორმაციით, ამერიკის შეერთებული შტატების პრეზიდენტის ადმინისტრაცია, ტრამპის პრეზიდენტობის პირველ წელს ერთი მილიონი არალეგალი მიგრანტის დეპორტაციას გეგმავს. მოქმედ და ყოფილ მაღალჩინოსნებზე დაყრდნობით, სტატიაში აღნიშნულია, რომ გეგმა არარეალისტურია, რადგან ამისთვის ბიუჯეტიდან არ არის საკმარისი თანხა გამოყოფილი. არის სამართალდამცველთა დეფიციტიც.