34 წლის კაცმა 110 დღე ველოსიპედით იარა, თუმცა One Love წარწერის გამო კატარში, სტადიონზე არ შეუშვეს

კატარი

34 წლის კაცს, რომელიც ამსტერდამიდან კატარში ველოსიპედით ჩავიდა და ჯამში, 6381 კილომეტრი გაიარა, მოგზაურობისთვის 110 დღე დასჭირდა. საბოლოოდ, კაცი სტადიონზე არ შეუშვეს, რადგან მის მაისურს One Love ეწერა.

„მოუთმენლად ველოდი დიდ, გიჟურ თავგადასავალს. მინდოდა ეს როგორმე სპორტთან კავშირში ყოფილიყო. დოჰა შესანიშნავი ადგილია და მინდოდა, მენახა მსოფლიო ჩემპიონატის პირველი მატჩი, როგორც ამ თავგადასავლის სასიამოვნო ჯილდო. ყველამ შეიძლება იფიქროს, რომ გიჟი ვარ. მეც გავიფიქრე: საიდან დავიწყო? კატარში თუ ამას გააკეთებ, დაგიჭერენ, სტადიონიდან გაგაგდებენ და შესაძლოა, ქვეყნის დატოვებაც კი მოგიწიოს.“ - ამბობს კაცი. 

ცნობისთვის, FIFA-მ LGBTQ+ თემის მხარდასაჭერი აქციის ფარგლებში ყველანაირი აქტივობა აკრძალა და კატარში მსგავსი რამ არ დაიშვება.