როგორ ვებრძოლოთ მეხსიერების დაქვეითებას - კვლევა

ჩიკაგოს რაშის უნივერსიტეტის სამედიცინო ცენტრის მკვლევრების მიერ ჩატარებული ახალი კვლევის თანახმად, ადამიანებს, რომლებიც მოიხმარენ მეტ საკვებს ანტიოქსიდანტური ფლავონოლებით, შეიძლება ჰქონდეთ მეხსიერების დაქვეითების ნელი ტემპი.

ფლავონოლები არის ფლავონოიდების სახეობა, ბუნებრივი ნივთიერებების ჯგუფი, რომელიც გვხვდება ხილში, ბოსტნეულში, მარცვლეულში, ჩაისა და ღვინოში. ეს ბუნებრივი ნაერთები განიხილება, როგორც აუცილებელი კომპონენტი კვების, ფარმაკოლოგიური, თერაპიული და კოსმეტიკური გამოყენების ფართო სპექტრში.

გავრცელებული ინფორმაციით, კვლევაში 961 ადამიანი იყო ჩართული. საშუალოდ, კარგი მეხსიერების 81 წლის ადამიანებს სთხოვეს, შეევსოთ კითხვარი იმის შესახებ, თუ რამდენად ხშირად მოიხმარდნენ ისინი გარკვეულ საკვებს. გარდა ამისა, მათ, რამდენიმე წლის განმავლობაში, უტარდებოდათ შემეცნებითი და მეხსიერების ტესტები.

გარდა ამისა, დაისვა კითხვები მათი განათლების დონესთან დაკავშირებით, რამდენ დროს უთმობდნენ ვარჯიშს და რამდენ დროს უთმობდნენ გონებრივად მასტიმულირებელ აქტივობებს, როგორიცაა კითხვა და თამაშები. მათ, საშუალოდ, შვიდი წელი ადევნებდნენ თვალყურს.

ამის შემდეგ, კვლევის სუბიექტები დაყვეს ხუთ თანაბარ ჯგუფად, იმის მიხედვით, თუ რამდენი ფლავონოლი ჰქონდათ მათ დიეტაში.

მიუხედავად იმისა, რომ კვლევა მიუთითებს კავშირზე ფლავონოლების უფრო მეტ რაოდენობასა და კოგნიტიურ დაქვეითებას შორის, სამედიცინო ცენტრის დირექტორმა აღნიშნა, რომ ეს არ ამტკიცებს, რომ ფლავონოლებს აქვთ პირდაპირი როლი კოგნიტიური დაქვეითების უფრო ნელი ტემპის გამოწვევაში.