1751883117
D ვიტამინის მაღალი დოზით დანამატებმა, რომლებიც მიიღება თვეში ერთხელ, შეიძლება შეამცირონ გულის შეტევის ან სხვა სერიოზული გულის მოვლენების ალბათობა 60 წელზე უფროსი ასაკის ადამიანებში. ამის შესახებ ერთ-ერთ კვლევაშია ნათქვამი.
მიუხედავად იმისა, რომ რისკის შემცირების დონე მცირე იყო, მკვლევრებმა აღმოაჩინეს, რომ D ვიტამინის დამატებამ შეიძლება შეამციროს გულის შეტევის შემთხვევები და კორონარული რევასკულარიზაციის აუცილებლობა (პროცედურები, რომლებიც აღადგენს სისხლის ნაკადს თქვენი გულის იმ ადგილებში, სადაც არ არის საკმარისი სისხლი).
ჯერჯერობით, D ვიტამინის გულის სასარგებლო თვისებების შესახებ კვლევები არაერთგვაროვანი იყო. კვლევის ავტორებმა აღნიშნეს, რომ ზოგიერთმა წინა კვლევამ აჩვენა, რომ დანამატები ხელს არ უშლის გულის პრობლემებს.
„ამ დასკვნებმა შეიძლება გამოიწვიოს D ვიტამინის დანამატების როლის შემდგომი შეფასება, განსაკუთრებით იმ ადამიანებში, რომლებიც იღებენ წამლებს გულ-სისხლძარღვთა დაავადებების პროფილაქტიკისა და მკურნალობისთვის“, - ამბობს კვლევის ავტორი.
კვლევაში ჩართული მონაწილეების მკურნალობა 5 წლის განმავლობაში მიმდინარეობდა. D ვიტამინის ჯგუფში გულის შეტევის სიხშირე 19 პროცენტით დაბალი იყო, კორონარული რევასკულარიზაციის მაჩვენებელი კი 11 პროცენტით ნაკლები. რაც შეეხება ინსულტს, ამ შემთხვევაში შედეგები იგივე იყო.
ექსპერტები ასახელებენ სიმპტომებს, როგორც D ვიტამინის დეფიციტის შესაძლო ნიშნებს:
- დაღლილობა უძილობა
- ძვლის ტკივილი
- დეპრესია ან მწუხარების გრძნობა
- თმის ცვენა
- კუნთების სისუსტე
- მადის დაკარგვა
- ფერმკრთალი კანი
თუ ეს სიმპტომები გაქვთ, აუცილებლად კონსულტაციისთვის უნდა მიმართოთ ექიმს.
ასევე ნახეთ:
მარტო ცხოვრებამ შეიძლება გაზარდოს კიბოთი სიკვდილის რისკი - კვლევა
როგორ დავიცვათ თავი კიბოსგან - ექიმებმა რისკჯგუფში მყოფები დაასახელეს
ახალი კვლევა, რომლის შედეგები შემაშფოთებელია
ზეითუნის ზეთის რეგულარულმა მოხმარებამ შეიძლება შეამციროს დემენციით სიკვდილის რისკი - კვლევა
