როგორ გამოიყურება მიტოვებული ციხესიმაგრე, რომელიც ტიტანიკის მსხვერპლს ეკუთვნოდა - ვიდეო

ცენტრალურ საფრანგეთში არსებობს მიტოვებული სასახლე, რომელიც ოდესღაც ტიტანიკის საზღვაო კატასტროფის მსხვერპლს ეკუთვნოდა.

უცხოური გამოცემა Express-ის ცნობით, ციხე ნორვეგიელ ბიზნესმენს, ენგელჰარტ კორნელიუს ოსტბის ეკუთვნოდა. მან და მისმა 22 წლის ქალიშვილმა ჰელენმა, ტიტანიკით იმოგზაურეს. მამაკაცი ცხოვრობდა სალონში B-30, ხოლო გოგონა ცხოვრობდა B-36-ში. როდესაც გემი აისბერგს დაეჯახა, მათ დატოვეს კაბინები, რათა ერთად ასულიყვნენ გემბანზე, მაგრამ მამა კაბინაში თბილი ტანსაცმლისთვის დაბრუნდა. ეს იყო დღე, როდესაც ჰელენმა მამა უკანასკნელად ნახა.

გოგონა N5 სამაშველო ნავში ჩასვეს, რის გამოც მან გადარჩენა მოახერხა. ბიზნესმენის ცხედარი მოგვიანებით ზღვაზე იპოვეს. ჰელენმა ნავზე ყოფნა ასე აღწერა:

„ნავზე პანიკა არ იყო, მაგრამ ბოლოს დავინახეთ ბორტზე მყოფი ხალხი, რომელიც მიხვდა, რომ წასასვლელი არსად ჰქონდათ. ჩვენ გავიგეთ ძლიერი ხმა, თითქოს ზარებს ჰგავდა და ბოლოს ისიც გაჩერდა“.

უცნობმა მკვლევარმა, რამი ავასმა სოციალურ ქსელში მომხმარებლებს აჩვენა, როგორ გამოიყურება ციხე ახლა. ვიდეოში ნახავთ, რომ ოთახები დროში გაყინული ჩანს, მაგრამ დაზიანების კვალი აშკარაა.

ციხე ორი ათეული წელია ცარიელი იყო - 2003 წელს ის დატოვა ინდონეზიელმა ოჯახმა, რომელმაც მიატოვა ქონება და გადასახადების გადახდა შეწყვიტა.

ახლა ქონების ყიდვა აღარავის უნდა, რადგან ხალხს სჯერა, რომ მასში მოჩვენებები ცხოვრობენ. სახლის ადგილმდებარეობის დადგენის შემდეგ უკვე დაფიქსირდა ვანდალიზმის ფაქტებიც.

„2020 წელს შეიქმნა გუნდი ციხის შესანარჩუნებლად, რადგან იყო ვანდალიზმის და ნივთების ქურდობის შემთხვევები. დაზიანდა ფორტეპიანოც“,- ამბობს ბლოგერი.

@pimpmycamel Exploring an abandoned Castle that was once owned by victims of the Titanic. #abandonedcastle #titanic #abandonedplaces #urbexworld ♬ 13 Angels Standing Guard 'Round The Side Of Your Bed - Silver Mt. Zion